樂園牛丸王 (已結業)

上星期六睇完戏有啲肚饿，返屋企之前就去咗呢间食过好多次都系食鱼面嘅舖头食宵夜，我哋叫咗： 牛腩河：汤底味道尚算浓郁，不过好似比以前差咗啲，河粉够晒滑渌得啱啱好，牛腩肥瘦适中，肉味浓郁，而且都炆得几稔又唔靱，算叫唔错啦！ 紫菜黑椒牛丸鱼面：黑椒牛丸几大粒咬落弹牙有肉汁，牛肉味浓而香，牛丸嘅纤维够粗有质感，得！ 手切鱼面依然咁好食咁弹牙，鱼味亦好浓，不过份量真系少咗啲嘞！最欣赏佢放喺羹上嘅葱花同炸蒜，可以自行决定要唔要定俾埋隔离𠮶个！ 可乐始终觉得佢嘅味道真系冇以前咁正，唔通好嘅嘢真系咁易消失嘅？