名人私房菜 (已搬遷) 新店位置

嚟到尖沙咀一间楼上私房菜，听朋友介绍大约三百几蚊一位，有多款海鲜菜色，约十几个朋友就嚟试下， 餐厅就系汉口道一幢唐楼，入到餐厅装修几整齐，两房一厅家庭式嘅感觉，墙身贴咗一啲餐厅食物相。房里面有冷气电视，环境舒服等齐人就食饭啦，今日一共有八个菜式，甜品及老火汤，就介绍几多我特别钟意嘅菜式比大家！先有大白菜猪肺汤，一大煲送上足够12位用，材料丰富汤味浓郁，大家都知煲猪肺汤，清洁步骤繁复，要将猪肺洗干净，再煲三四个钟，汤料有大量猪骨瘦肉胡萝卜，饮落有一啲胶质，非常甜美。菜单可以系订枱嘅时候同老板倾倾，因为我哋人多， 每道菜都好有份量，食第一道菜避风塘炒蟹，蟹肉厚实鲜甜有肉汁，避风塘炸蒜辣椒唔会太辣掩盖蟹嘅鲜，就好似去咗海边嘅餐厅到食，蟹壳都被打开，令食客食得方便，我用蟹盖载起惹味炸蒜，等阵可以伴饭食！荷叶蒜茸蒸虾饭都十分吸引镜头，大蒸笼上面放咗荷叶，令饭粒增加独特香味，上面更有差不多二十只虾肉及葱粒，颜色上好鲜艳，虾肉新鲜，厨师将虾切开一半，去掉虾脚食起嚟好方便，饭嘅份量好多，十二个人都够哂食。鲜鱼汤什菌，今日有八道菜，煎炒煮炸都有，其中一道鱼汤配娃娃菜及什菌，清清地平衡一下，有鱼汤更加哂分