影片
更多
2017-05-01
5252 浏览
收工收到妈子电话同埋个地址，话今晚出街食。心谂做咩咁突然平时都系我撬佢先会出去食，今晚竟然咁有兴致？黎到先知原来表姐黎左香港，所以妈子就想同佢洗尘。都啱嘅，因为真系好耐无见了。前菜小食系啲青豆果仁等香口零嘴，如果系南乳花生就好了因为更香脆同醒胃。呢啲平时返工食得太多了，有啲食腻了。第一道系蒜香骨。炸得好干身但肉唔算好柴，不过嫌蒜味唔太出俾蜜糖味遮盖左啲。之后系一蚊鸡。无错，真系一蚊而已。虽然得半只（其实系视乎人数而定）但味道真系唔错。鸡肉滑嫩而且有鸡味，又有啲啲五香粉点缀几好食的。烧腩肉。叉烧双并，呢个系有啲失色的，腩肉其实肥瘦均匀而猪皮都够脆，但叉烧好硬入面都是干的。虽然蜜汁有起到滋润嘅作用，但都救唔到几多。蒸石斑鱼还是什么的。鲜味十足，条鱼蒸到啱啱熟所以鱼肉仲系非常嫩滑同鲜甜，沾上少少豉油好快就清剩得返鱼骨了。酒楼嘅蒸鱼水准永远都系屋企做唔返一样的。最后系高汤浸小白菜，白果出奇地好食，一啲苦咊都无而且烟韧。但白菜本身唔算甜主要系靠上汤个味提出。所以都系中规中矩嘅作品。饭后果系原个红苹果。一日一苹果，医生远离我，但洗得唔系好干净。成餐饭大家同表姐有倾有讲咁，八卦下佢近况等等。耐无见真
前菜小食系啲青豆果仁等香口零嘴，如果系南乳花生就好了因为更香脆同醒胃。呢啲平时返工食得太多了，有啲食腻了。
第一道系蒜香骨。炸得好干身但肉唔算好柴，不过嫌蒜味唔太出俾蜜糖味遮盖左啲。
之后系一蚊鸡。无错，真系一蚊而已。虽然得半只（其实系视乎人数而定）但味道真系唔错。鸡肉滑嫩而且有鸡味，又有啲啲五香粉点缀几好食的。
烧腩肉。叉烧双并，呢个系有啲失色的，腩肉其实肥瘦均匀而猪皮都够脆，但叉烧好硬入面都是干的。虽然蜜汁有起到滋润嘅作用，但都救唔到几多。
蒸石斑鱼还是什么的。鲜味十足，条鱼蒸到啱啱熟所以鱼肉仲系非常嫩滑同鲜甜，沾上少少豉油好快就清剩得返鱼骨了。酒楼嘅蒸鱼水准永远都系屋企做唔返一样的。
最后系高汤浸小白菜，白果出奇地好食，一啲苦咊都无而且烟韧。但白菜本身唔算甜主要系靠上汤个味提出。所以都系中规中矩嘅作品。
饭后果系原个红苹果。一日一苹果，医生远离我，但洗得唔系好干净。成餐饭大家同表姐有倾有讲咁，八卦下佢近况等等。耐无见真系会无所不谈的。
张贴
