名館 (已結業)

难得平日放假，带着爸爸妈妈同小朋友，一家大细来铜锣湾饮下午茶，<名馆>平日2pm后入座，下午茶放题非常优惠，每人连茶介加一，埋单都衹系$117一位，真系非常抵食，仲要保持到高质既水准，令我真心爱上呢个地方。餐厅环境装修时尚，座位同枱都好濶落好舒适，唯一吾好既系下午茶优惠时段吾可以订位，一定要walk in排队等入座。如果带住老人家，可能会担心去到冇枱，不过好彩当日下午茶时段吾算太多人，入座率大约一半左右。另外，由于餐厅服务员不多，加单或下单都要耐心等候。虽然有收茶钱，不过就衹供应玄米茶，没有其它茶叶的选择。如果额外付费的就有豆浆，汽水，圆肉杞子茶等等。餐厅点心选择不少，做得精致好吃，各方面水准都吾错，全部即叫即蒸。海南鸡米线既鸡肉非常嫩滑，虾饺属中等size, 虾肉爽弹，煎叉烧包入面既叉烧切得大大粒，叉烧酱汁惹味好食，肠粉够嫰滑，小笼包肉汁够甜，天鹅酥入面系紫薯蓉，脆口好味，最后来的甜品，棋子饼和玫瑰奶皇糕亦不会过甜。就连餐厅既餐具都非常精美，富有现代感，别具一格，大人和小朋友都过了一个非常开心写意既下午。