影片
更多
2021-08-16
1723 浏览
奥海城金满庭已经食左好多年，好多时隔几个月就同家人一齐饭聚。好钟意系呢度食野，因为环境舒服。一般都会个零星期前打电话book定位，否则可能要等好耐，我地大约11:45am来到金满庭，等多大约1分钟左右已经可以入座。同埋唔知点解，总系觉得事前book定位，佢地比你的位是会大啲同舒服啲，今日我地仲对住电视位坐，所以好舒服。另外一提的是，佢地如果下午1:00前埋单，系可以免加一的。一来到金满庭，通常都会叫「人参乌龙」茶，咁多年都好钟意呢只茶，有淳香的乌龙茶味。见到门口而家有得另外买，但今次我地就无买了。今日叫左几样𩠌菜，大部份都好好食，包括1)水晶肴肉+花雕醉鸡呢个次次都食，当系前菜，今次醉鸡仲比鸡脾我地，真系唔错。今日的醉鸡，其实如果唔点佢地比的花雕酒，只系食鸡系无咩味的，但点埋花雕酒就好好味。水晶肴肉就次次的质素都表现得好好，食的时候感觉唔肥腻，亦唔会太干太硬，呢个几好食。(2) 酸辣汤(1位): 呢个都好食，有时好辣，但今日酸同辣的比例刚刚好，里面有豆腐、木耳等等，个汤唔系好结或好稀，但个汤如果再热返少少就更好。(3) 银芽炒鳝糊:呢个又系次次叫，但如果想食芽菜，就一定要讲明，否则就会
一般都会个零星期前打电话book定位，否则可能要等好耐，我地大约11:45am来到金满庭，等多大约1分钟左右已经可以入座。同埋唔知点解，总系觉得事前book定位，佢地比你的位是会大啲同舒服啲，今日我地仲对住电视位坐，所以好舒服。另外一提的是，佢地如果下午1:00前埋单，系可以免加一的。
一来到金满庭，通常都会叫「人参乌龙」茶，咁多年都好钟意呢只茶，有淳香的乌龙茶味。见到门口而家有得另外买，但今次我地就无买了。
今日叫左几样𩠌菜，大部份都好好食，包括:
(1)水晶肴肉+花雕醉鸡
呢个次次都食，当系前菜，今次醉鸡仲比鸡脾我地，真系唔错。今日的醉鸡，其实如果唔点佢地比的花雕酒，只系食鸡系无咩味的，但点埋花雕酒就好好味。水晶肴肉就次次的质素都表现得好好，食的时候感觉唔肥腻，亦唔会太干太硬，呢个几好食。
水晶肴肉+花雕醉鸡
44 浏览
1 赞好
0 留言
(2) 酸辣汤(1位): 呢个都好食，有时好辣，但今日酸同辣的比例刚刚好，里面有豆腐、木耳等等，个汤唔系好结或好稀，但个汤如果再热返少少就更好。
酸辣汤
38 浏览
0 赞好
0 留言
(3) 银芽炒鳝糊:呢个又系次次叫，但如果想食芽菜，就一定要讲明，否则就会比韭菜。呢个𩠌唔系次次煮得好，但今日真系唔错，上菜热辣辣，芡汁系浓味的，但唔会太咸，平时鳝鱼会有啲腥，但今日亦无呢个情况，鳝鱼几脆口的，我地会另外点豆瓣酱，辣辣地，仲好食。如果真系要讲一样野系可以做得更好的，会觉得啲芽菜有少少瘦弱，如果粗身少少更好。
银芽炒鳝糊
31 浏览
0 赞好
0 留言
(4) 京酱肉丝(配薄饼): 呢个又系次次会叫，薄饼有6块，以前厚身啲，而家薄过面膜。但其实都钟意咁薄的薄饼，唔驶太厚。今日的京酱肉丝无平时咁好食，上菜唔算好热，芡汁有点太多。个𩠌除左肉丝，仲会有啲京葱，但今日的京葱比得太少，什至系食唔出。平时将肉丝+京葱包系薄饼一齐食系好好食，而口感和味道亦会丰富好多。但今日真系京葱太少，味道口感亦变得单寡一些。
京酱肉丝(配薄饼)
22 浏览
0 赞好
0 留言
(5) 担担面(唔辣):佢有几个LEVEL的辣度，但最后都系选左唔辣。平时好钟意食呢个面，有少少肉碎+花生酱，个面挂汤食都好好食。但今日系有啲失望，二个字「好咸」。唔止是个汤底咸，连个面系唔加汤剩食的情况下都好咸。结果食左2啖，真系无辨法下，唯有cancel呢个面。
担担面(唔辣)
29 浏览
0 赞好
0 留言
(6) 炸银丝卷: 佢地仲有蒸的，但我地每次都系叫炸的。今日呢个好好食。有时会炸到个外皮好硬太干，什至个底部会好油，但今日没有呢个情况，所有部份都好适中。银丝卷唔加炼奶下都会有少少甜，所以其实唔驶点炼奶点少少就够了。
炸银丝卷
25 浏览
0 赞好
0 留言
(7) 小笼包(8只) :有8只或者5只，我地就选8只。今日上菜的时候，真系好大烟、好热辣辣。小笼包的质素咁多年都keep得咁好，个皮唔会太厚太薄，刚刚好，里面的肉也不会太散或太霉，好软身但又有口感，里面有好多肉汁(汤) 。曾经听人讲过，好的小笼包系用筷子夹个顶端位置，个皮都唔会烂，今日夹过，又真系无烂wor(可看下面图)
小笼包(8只)
26 浏览
0 赞好
0 留言
小笼包(8只)
31 浏览
0 赞好
0 留言
(8) 「合桃金砖豆腐粒」: 因为cancel左个担担面，发现唔够食，结果叫多左一个「合桃金砖豆腐粒」(但亦因为呢个原因，时间过左下午1点，无得享受免加一的服务): 其实呢个好好食，豆腐细细粒，炸得刚刚好，合桃亦唔太硬，合桃面有芝麻亦配合得好好。但系呢个𩠌其实cp值唔够，主要系价钱set得有啲贵，$128，份量唔算话好多，当然好好味，但系豆腐有啲似系一般酒楼食到的一口炸豆腐。而合桃个味道好好，但又未致于好突出。
合桃金砖豆腐粒
46 浏览
0 赞好
0 留言
(9) 花胶木瓜炖鲜奶: 反正都过左1点，所以就不如叫多个「花胶木瓜炖鲜奶」做甜品。因为需要炖，所以都用左耐啲的时间等。但呢个都有啲啲失望。可能因为食唔惯加热的鲜奶，呢个鲜奶阵味好苏。木瓜粒似是罐头货，但无论是罐头货定真系新鲜，鲜奶本身和木瓜粒唔系好融合得到。只饮鲜奶，系食唔出木瓜的味道的，而呢个本身系成个甜品做得较为失色的地方。
花胶木瓜炖鲜奶
47 浏览
0 赞好
0 留言
今日系因为庆祝家人生日而来的。大部份的食物都满意啦，都食左呢间餐厅10几年了，质素算是唔错，食咁多野埋单都系$800几蚊，价钱亦唔算太贵，真系唔错，值得推荐。
张贴
