醬缸韓國料理

营业中

休息中

终于俾我喺香港揾到性价比好高嘅酱油蟹!!!!呢间韩国餐厅有韩国人主理，入边啲员工全部都系用韩文沟通，弥补咗疫情冇得去韩国，对韩国嘅思念。一入座，首先就会送上餐前嘅小食，都不外乎系泡菜同薯仔丝。我哋order咗呢个必叫嘅酱油蟹，三百几蚊有两只再加一碗紫菜饭。啖啖肉又多蟹膏，好鲜甜好好食。同埋啲酱汁唔会系死咸，啱啱好捞饭一流。我哋仲要唔够饭，另外再加多一碗添。另一个推介系呢一个生菜包五花腩，唔好俾佢个卖相呃咗，一层肥肉一层瘦肉间距分明，包埋生菜，连埋啲酱汁食落口，超Juicy超嫩滑。平时唔食肥猪肉嘅我都俾佢惊艳到。