好彩海鮮酒家 (已結業)

今晚同屋企人一行十人， 揾地方食晚饭。 我哋拣咗呢间好彩酒楼 ，钟意佢泊车方便， 有片皮鸭食， 钱又平。由于我哋真系非常钟意食片皮鸭 ，我哋预订咗两只片皮鸭， 另外预订咗一个冬瓜盅 注意: 冬瓜盅同片皮鸭系要预订嘅讲下啲嘢好唔好食先: 冬瓜盅 ~ 材料有原粒带子、 金华火腿、 瑶柱， 清甜冇味精片皮鸭 ~ 鸭皮烧得好香 ，鸭肉肥瘦适中、 好滑， 片皮鸭酱好惹味 ，片皮鸭夹包系典型薄片𠮶种 ，新鲜又香软， 好好食香菠生炒骨 ~新鲜炸起 ，好松脆、好juicy 片皮鸭二食 - 凉瓜炒鸭， 酸菜炒鸭 ~味道好，炒得好香东星斑~ 条鱼好靓，蒸得时间啱啱好， 蒸鱼豉油都调得好好味咸鱼鸡粒豆腐煲~ 咸鱼好香、好好味烧汁焗酿~ 卖相好靓，不过我个人觉得味道普通粉丝杂菜煲~ 蔬菜新鲜 ，无草青味 ，几好食有糖水送， 今日系红豆沙，几好食美中不足系 ，我哋追糖水追咗四次先至嚟。职员服务态度几好，笑容满面，好有礼貌。酒楼黎讲，环境算清静。