家全七福 (粵海華美灣際酒店)

营业中

休息中

所谓「天上雷公，地下舅公」，舅公喺屋企人心目中o既崇高地位可真无人能敌。长辈深知舅公最爱食鲍鱼同鱼翅，上周五宴席就专诚拣咗一家以鲍参翅肚闻名o既「家全七福」举行。刚刚乔迁往新址o既「家全七福」仍然留喺湾仔区，不过就升级成为酒店中菜厅。餐厅占用全层面积，接待处先以镇店靓翅及鱼缸装饰。走廊及墙身简单挂上国画，自然地流露出中国文化o既色彩。大堂设有多张圆枱散座，光鲜企理，虽则右手边楼底明显比左边高，但由于枱于枱间空间好足，人多时声浪都唔会好大，配埋厚垫椅櫈，坐落极之舒适自在。「家全七福」属名人饭堂之一，当然系唔少得私人厢房，间间同样宽敞，大方得体。房内长期有两位服务生为客人斟添酒水、分𩠌换碟，温婉落力，很是周到。餐桌上每位客人面前都放有一份菜谱，餐单上可见晚宴合共十三道菜，主人家当真盛设非常！皮蛋酱萝卜：为晚餐打响头炮o既皮蛋只只流心又溏心，色泽亮丽，且香浓美味；配角酱萝卜不但巧妙地砌到成朵花咁靓，片片花瓣都一样咁爽脆惹味，同个皮蛋真系好相衬。食完咁开胃o既前菜，乳猪亦啱啱烧好。大红片皮乳猪全体：乳猪皮一啲肥膏都冇，咬落轻巧薄脆，松化无比，夹上面包后再轻轻点上甜酱已够可口。正当大家细尝紧乳猪