影片
更多
2009-05-24
55 浏览
好友食神同好友食家"乜都放入窿"同为本月寿星, 食饭庆祝当然走唔甩啦, 而地点更加不能马虎, 皆因一位系食家, 另一位系食神, 比食家更加咀刁! 于是起初决定去新斗记, 奈何一早爆晒, 唯有再谂另一间啦, 最后师傅拣左呢间食店, 希望两位寿星食得开心啦!一早订定位, 预算十四人应该有少冇多啦, 所以应该够坐, 怎知师傅低估左两人嘅号召力, 最后召集竟然有成十七人, 一围坐唔晒, 师傅拿拿声打去食店加位, 好彩得到食店嘅通力合作, 先至唔会冇位坐, 特此对呢间食店送上万二分谢意!食店职员同师傅确应留枱时, 亦顺带问下师傅需唔需要预留食物, 既然问得师傅亦不客气, 于是留左一只阿嫲鸡，三份海虎虾同埋一个南瓜蒸挂骨; 到左食店再柯打一客例汤, 土鱿蒸肉饼. 三色蒸蛋, 粉丝杂菜煲, 蚬介鲮鱼球, 竹筒饭, 实行黎个九大簋!先讲下个例汤, 师傅已经唔记得系咩汤, 不过就记得个汤底好清, 唔油仲冇味精, 所以都几好味, 作为开餐前第一道菜, 湿湿个口, 真系唔错; 跟住就系阿嫲鸡, 肉味重鸡身滑, 而且煮得啱啱好又唔会过老, 加上个汁好好味, 真系食到停唔到口, 掂呀; 海虎虾分别拣左豉油王煎同
一早订定位, 预算十四人应该有少冇多啦, 所以应该够坐, 怎知师傅低估左两人嘅号召力, 最后召集竟然有成十七人, 一围坐唔晒, 师傅拿拿声打去食店加位, 好彩得到食店嘅通力合作, 先至唔会冇位坐, 特此对呢间食店送上万二分谢意!
食店职员同师傅确应留枱时, 亦顺带问下师傅需唔需要预留食物, 既然问得师傅亦不客气, 于是留左一只阿嫲鸡，三份海虎虾同埋一个南瓜蒸挂骨; 到左食店再柯打一客例汤, 土鱿蒸肉饼. 三色蒸蛋, 粉丝杂菜煲, 蚬介鲮鱼球, 竹筒饭, 实行黎个九大簋!
先讲下个例汤, 师傅已经唔记得系咩汤, 不过就记得个汤底好清, 唔油仲冇味精, 所以都几好味, 作为开餐前第一道菜, 湿湿个口, 真系唔错; 跟住就系阿嫲鸡, 肉味重鸡身滑, 而且煮得啱啱好又唔会过老, 加上个汁好好味, 真系食到停唔到口, 掂呀; 海虎虾分别拣左豉油王煎同埋避风塘, 先讲豉油王煎, 味道过咸令口感骤降, 咁咸莫非似师傅? 而避风塘就整得香香辣辣, 确实惹味, 可惜海虎虾肉身过实, 唔多够鲜味, 师傅觉得d虾雪得太耐, 所以真系一般; 另一道预留左嘅南瓜蒸挂骨, 卖相真系相当之得, 完只南瓜上, 内里就载满排骨, 排骨肉身够松, 加上个汁而好味, 所以真系唔错!
土鱿蒸肉饼嘅肉饼够松, 味道唔会过浓, 可惜唔多觉有土鱿, 但整体仍算不错, 三色蒸蛋就蒸得几滑, 不过就几淡口, 味道一般, 可以啦; 粉丝杂菜煲就几多粉丝, 杂菜亦够嫩, 都唔差; 蚬介鲮鱼球炸得脆卜卜, 而碎骨唔算多, 都算唔错; 竹筒饭冇咩特别, 不过胜在个饭都几干身, 可以啦!
总括黎讲食物质素都算中上, 环境就几舒服, 服务态度友善, 而价钱经济抵食, 埋单每位都系百二蚊到, 绝对抵食; 师傅觉得呢间食店嘅家常小菜都几好味, 所以有机会都会再黎, 而呢一餐家常便饭贺双星, 食得非常开心, 所以笑脸值得一比!
张贴
