彩雲軒 (已結業)

由于家有长者既闗系，晚饭好多时拣食中餐。彩云轩已经黎过超过十次，水准一向都好平穏。今晚餐家常便饭都冇令屋企人失望。晚上6:45到即有位。入座后即刻点菜，唔驶10分钟开始上菜，效率唔错。卤水豆腐 - 够甜够香滑，每次黎必叫。老人家尤喜欢呢款小食。古法山渣咕噜肉 - 外观颜色吸引，食落肉身够嫩，个汁甜度啱啱好，味道唔错。冇因为特价而将价就货，份量又充足。抵赞！金银蛋苋菜 - 平平无奇，D菜唔太嫩，有D鞋口。熟蒜好多，唔系我杯茶。清蒸东星仔 - 火侯控制得好，够熟得黎唔会蒸到D肉鞋晒，保持到鱼本身既鲜味，加埋D汁同蒽黎𩠌饭一流！伙记唔该黎多碗白饭！饭后果 - 三款生果都好新鲜甜，但如果可以得闲换吓唔同生果就仲好，次次呢三款有D闷呢餐几埋茶饭钱一共$591，因有优惠劵食满$400可减$100，$500埋到单。彩云轩虽然唔系咩星级食府，但不论环境，食物质素同服务质素都对得住个价钱。因同屋企近既关系，一直都系家常便饭首选。