稻香 (淘大商場) (已結業)

因为就脚， 一家人又食稻香，拣九点后，贪佢有宵夜小菜，虽然唔算好大碟，但食小菜晚饭黎讲，算价钱合理，菜式都时不时会转，三个大人今次点左乳鸭一只，肉不算多，但炸得皮脆，肉亦算嫩滑，口水鸡嘅酱汁有阵独特嘅川辣香味，不会太辣，鸡肉亦尚算嫩滑，份量差不多有四份一只，沙羗猪手嘅味道啱啱好，够沙羗味（但有时咸味会较重，可能唔同厨师），羗冲爆脆鱼腩一般，鱼腩嘅炸粉好厚，亦唔脆，但份量都算多，沙爹肥牛炒乌冬，沙嗲味浓，但肥牛太碎，乌冬尚算弹牙，埋单连茶钱加一大约245元，都算物有所值，起码坐得舒服，茶水任饮，唔驶搭枱，一家人食完饭仲可以慢慢倾下偈，唔会好似食茶餐厅禁急赶，但价钱除开都差不多（而家啲茶餐厅系绝对唔便宜），虽然系家常便饭都系舒服啲好！