影片
更多
2016-08-28
2257 浏览
今晚帮细佬去酒楼搅D野，横掂成家人都得闲，所以出左尖沙咀开饭! 因为之前摆酒储左D分，所以去食饭扣数! 大约6：30PM上到去，客人唔多，所以慢慢拣选食物! 见餐牌上有D得奖菜式, 所以都叫黎试下!上菜黎讲都上得好快, 可能客人唔多, 所以好快出到野食!呢个焗大虾, 有点失望, 虽然讲名只有六只, 但比想像中细好多, 呢六只虾仔就已经收我百几蚊喇!! (早知食龙虾啦)食既时候, 暖暖地, 唔算好热! 味道尚可, 有蒜蓉味, 但虾太细只, 冇乜肉食. 个人而言, 下次一定唔会再叫!人参花花胶螺头炖汤卖相黎讲, 几吸引! 汤既味道好清甜! 不过汤料黎讲就好麻麻! 不论花胶, 螺头肉或人参都好细粒! 落单时, 个职员仲话要睇下个厨房有冇, 但我地未够7PM就去食饭喇㖞, 咁早已经冇, 咁其实酒楼每日会预几多盅黎卖呢...?烧鹅半只食物又系唔算好热, 不过又未至于冻既! 暖暖地啦, 都几好味, 皮脆, 肉厚!金银蛋苋菜呢个菜得㖞! 得在入面佢极多咸蛋黄, 白, 皮蛋, 反而菜唔系好多, 好搅笑! 但个菜好好味!!!金砖豆腐!! 果然得奖菜式, 真系好好味呀! 外层有一薄层炸粉, 用胡椒盐炸,
大约6：30PM上到去，客人唔多，所以慢慢拣选食物! 见餐牌上有D得奖菜式, 所以都叫黎试下!
上菜黎讲都上得好快, 可能客人唔多, 所以好快出到野食!
呢个焗大虾, 有点失望, 虽然讲名只有六只, 但比想像中细好多, 呢六只虾仔就已经收我百几蚊喇!! (早知食龙虾啦)
食既时候, 暖暖地, 唔算好热! 味道尚可, 有蒜蓉味, 但虾太细只, 冇乜肉食. 个人而言, 下次一定唔会再叫!
人参花花胶螺头炖汤
卖相黎讲, 几吸引! 汤既味道好清甜! 不过汤料黎讲就好麻麻! 不论花胶, 螺头肉或人参都好细粒! 落单时, 个职员仲话要睇下个厨房有冇, 但我地未够7PM就去食饭喇㖞, 咁早已经冇, 咁其实酒楼每日会预几多盅黎卖呢...?烧鹅半只
食物又系唔算好热, 不过又未至于冻既! 暖暖地啦, 都几好味, 皮脆, 肉厚!金银蛋苋菜
呢个菜得㖞! 得在入面佢极多咸蛋黄, 白, 皮蛋, 反而菜唔系好多, 好搅笑! 但个菜好好味!!!金砖豆腐!! 果然得奖菜式, 真系好好味呀! 外层有一薄层炸粉, 用胡椒盐炸, 第一口咬落去好松脆!!! 再咬深D已经食到豆腐喇, 个豆腐滑嘟嘟, 完全冇散, 冇鞋, 好好味!!!
另一得奖菜式, 蜜汁叉烧呢个又系好好味!!! D叉烧好腍, 好入味, 真系好好好好食, 食完一碟, 我不知几想再食多碟! 不过今餐太多肉了.....
整体黎讲, 菜式好坏参半, 好食既真系好好食, 麻麻既, 真系好麻麻...星期六黎讲, 单餐太少选择....(完全意料之外)
张贴
