味苑 (已結業)

放工去睇戏, 就响戏院对面食埋野, 大人话想食中餐叫𩠌, 睇左几间, 呢间四四正正又唔贵.小型菜馆荃湾都几多, 不过呢间环境最好, 够大够光猛, 最紧要够干净.烧味双拼可自选两款, 义烧烧至微焦, , 半肥瘦入口够香, 松软而不油腻, 啖啖渗出甜味.烧腩仔皮够脆口, 烧得够香, 脂肪同样香而不腻, 入口够嫩.小炒皇有韮菜花, 花枝片, 鱼干, 腰果等, 韮菜花新鲜翠绿, 咬落好爽口. 配料几多, 花枝片软腍唔韧, 鱼干唔会太硬, 成碟都好惹味.加埋两碗白饭, 简单家常便饭已够满足.