大叻越南牛肉粉餐廳 (書局街)

营业中

休息中

有时间唔中就会好想嚟呢度食，因为有一个饭一定会令你上瘾。不过首先讲下佢个环境先，其实地铁站一出，过对面马路就已经到，好方便。虽然铺头里面都唔细，不过摆咗好多张枱，感觉好迫，所以我多数都系买外卖返屋企食。其中一个我最钟意嘅饭，就系炭烧猪颈肉饭，除咗呢度之外，我真系揾唔到一间炭烧猪颈肉可以比呢度更好食嘅铺头了。佢啲猪颈肉烧到外脆内软，一d都唔干唔硬，腌得又好入味。再配埋佢个甜豉油真系一流，而且我好欣赏嘅系佢每盒饭都会自动帮你加啲姜蓉，起码睇得出佢有诚意。所以嚟到呢度一定要叫啲炭烧猪颈肉饭试吓丫！