台北車站 (已結業)

凤梨甜酸肉酸甜味道调得啱啱好，外表炸到脆脆哋，而啲肉系有弹性。出面好多都系京都骨，呢到系甜酸肉，啖啖肉系爽嘅。配菜系青红椒同紫洋葱，味道都唔错。蒜蓉炒油麦菜通常都系豆豉鲮鱼炒，见呢到有蒜蓉炒就试下。其实蒜蓉炒菜真系百搭！呢碟菜好香蒜蓉味，而啲菜都好嫩，炒得唔错，如果再少油啲啲就更好啦。草莓珍珠奶茶以为餐厅嘅珍珠奶茶会比较Hea ，点知有惊喜。珍珠烟韧，而茶嘅味道几香甜，如果草莓味重啲就更加好。香芋珍珠奶茶一样有惊喜，更加推荐呢款，香芋味浓。