金記冰室 (置富南區廣場) (已結業)

置富附近餐厅选择唔多，见到新开张既金记好有兴趣，立即要黎试试无冰奶茶 (配餐+$5转配)去茶餐厅食野，最紧要系杯奶茶。奶茶可以睇得出一间茶餐厅既功架。无冰奶茶唔会比冰减淡左茶味，可以保持香浓。金记既无冰冻奶茶，茶浓、奶滑，饮落舒畅。芝麻黑糖醋骨 $58芝麻黑糖醋骨外层有薄薄糖衣，肉质松化，洒上芝麻更加香口。酸酸甜甜既味道大人小朋友都爱金砖风沙炸豆腐 $58豆腐外层炸得金黄香脆、内里保持嫩滑，洒上金黄炸蒜，即成一道经典美味小菜。从炸皮睇得出餐厅用既唔系万年油，否则会有油"益"味同埋皮会较为深色。杂菌扒时蔬 $44杂菌菌类起码有3种，酱汁比较厚身，可以附在白菜仔上，令每条白菜仔都沾满酱汁，食落较为惹味。