飯飯店 (已結業)

落雨天无乜心机揾餐厅就入左呢间细铺仔啦 (后来先知原来有楼上既), 见时间仲早, 就慢慢研究下餐牌, 于是店员就推介左几款特色菜比我地啦第一味: 镬仔萝卜石斑仔望住师父系鱼缸拎条鱼出泥, 超新鲜, 仲会识跳嫁! 满心期待, 绝对不负所望啦! 首先, 条鱼完全系足晒秤既, 先饮啖汤, 甜甜地既, 因为入面有粟米啦, 萝卜啦仲有葱, 非常鲜甜~之后再试下D萝卜, 唔好太淋, 而且都有鱼既鲜味! 之后就食主菜----石斑仔啦! 石斑仔唔会太硬, 有咬口既, 绝对唔会因为镬仔而变得太熟啦, 而且最紧要系新鲜, 唔系出名既海鲜店, 但都有咁既水准, 值得推介啦第二味: 羊腩煲其实呢个时节能够有羊腩食都已经好少数, 真材实料! 羊腩唔会太苏, 而且都几入味, 店员帮我地加水果时都系加埋羊腩汤汁嫁! 绝对系有诚意, 配上生菜底, 真系入晒味呀两款完全够晒3个人食! 绝对系抵食之选嫁!