盈福小廚 (已結業)

今日心血来潮想去食中菜，问问朋友，就介绍左铜锣湾嘅盈福小厨比我。收工之后过去，大约7:30入面已经好多人，由于无预先留位，唯有系出面等等。因为只系两个人食，好在都只系等20分钟左右就入得。不过入面唔系话好大，无预先留位就要等得比较耐喇！周围望下睇下啲人叫咩食喇，见到差唔多每一枱都有叫鸡， 而店员都又极力推介，所以都叫左半只试下。当初以为半只份量会好少，但原来都足够两个人食。鸡嘅肉质鲜甜嫩滑，瑶柱足料，砌碎铺面，的确系好吸引可惜系瑶柱味未能渗入鸡肉之中，唔够浓郁。店员就拎到黎时，已经闻到黑松露气味，实左令人流哂口水而带子同虾球各有四大只，底部就放满西兰花。带子虾球新鲜爽口，每食一口，都可以都充满黑松露味，呢个值得一赞但份量的确较为少！最可惜系猪肺汤杏汁炖白肺一早售罄，原来系需要预订，希望下一次黎有机会试到。