家常麵

营业中

休息中

家常面小店❤️我哋叫咗一碟凉拌小云耳。作为前菜，佢酸酸辣辣咁样非常开胃。最好嘅就系佢唔会好似其他舖头咁整得太酸。食得辣嘅朋友，就可以加佢哋整嘅秘制辣酱，就会更加惹味。蒸饺子可以选择都有四种，一种系白菜猪肉，一种系韭菜猪肉，一种系椰菜猪肉，一种系芹菜猪肉，我就拣咗韭菜猪肉，卖相好靓，而且入面馅料都好多，胀卜卜！蒸饺另一个好处就系佢个皮唔会过硬，而且唔会太厚。担担菜肉云吞面好有上海风味。佢唔系整得太辣，可以比适合自己调校适合自己嘅辣度。同佢其他云吞一样 ，云吞面嘅云吞好足料，皮薄馅靓。我哋叫咗一碟炸云吞。云吞炸得好松脆，每台食客都食到有好脆口嘅声音。个馅入边嘅猪肉唔错㗎。仲有个泰式辣酱点。平时其他餐厅嘅洛神花茶，一系沟到好淡，冇乜味，一系就搞到好酸味，搞到我都唔系咁钟意，但系呢度嘅洛神花茶入面有少少山楂，令到佢嘅甜味增加，又唔会带走佢本身嘅酸味，几特别。豆浆就正正常常啦，食个面配杯豆浆就饱晒啦。