多寶樂茶餐廳

营业中

休息中

每次去完上环做facial，都发觉冇乜好食， 除咗食云吞面之外，就系走嚟食呢间茶餐厅，贪佢有得食炒粉面饭(因为我走嘅时候大多数都系夜晚七点几，我都唔知上环边度仲有茶餐厅未关门)。呢间茶餐厅好明显系家庭式作业，因为完全冇装修可言，感觉比较残旧。佢哋嘅嘢食好平，完全系主打街坊生意。结果，我叫咗佢哋嘅特价炒粉面饭~咖喱猪扒饭($35 + $2冻饮)，我朋友就食咗个常餐($35 + $2冻饮)。呢个咖喱猪扒饭，虽然只系得一块猪扒，但好大块，咖喱好香，以呢个价钱嚟睇，相当唔错！我朋友𠮶个常餐，佢话好惊喜地有两只蛋啰，整体味道不过不失 ╮(╯▽╰)╭其实以呢个价钱，喺香港好难食到一个晚餐㗎啦。平民消费，只要唔好有太多嘅外在环境要求，可以推介。