影片
更多
2019-07-28
374 浏览
礼拜日既喧哗广场入面，中午时分有唔少人都开始揾好野食。我地寻寻觅觅，终于选择左呢间家庭式和风餐厅。入面你会发现有唔少家庭系入面食野，正因为Ufufu!有儿童餐，餐盘仲要系汽车既设计，好可爱餐牌既选择繁多，有唔少人围住个餐牌然后就话：「入到去再决定。」感同心受呀！坐到埋位就开始点菜，我地点左一客三色丼(左右两台都同我地点既一样！)同一客和牛汉堡扒。基于见到餐牌上面有，我地就选择左呢两样。讲到座位，我明白繁忙时段系难免，但系会希望有多D私人空间，唔系好想同隔离太近。汉堡扒系热腾腾咁上既，仲会听到「咋咋」声。烧汁系另外用个小碗仔装住，个侍应会问我地淋唔淋上去既。如果唔太习惯烧汁既味道，最好就keep住佢唔淋啦。因为我地觉得食食下好漏，唔系好顶得顺。一切落去，肉身松软，入面可以见到肉汁好似山水咁流落黎。外层"crust"有煎过，唔会过㶶，有少少脆身，深啡色好吸晴一定系咁样煎过先锁住到啲汁同肉味。但系我唔系好惯烧汁既味道，我要系用水过过佢先食。薯仔就连皮都会想食埋，因为佢焗到外皮脆脆地，几香，入口软焾绵滑。薯仔上面既沙律酱仲有少少葱粒调下味，所以个本来冇调味既薯仔唔会太单调。粟米﹑蕃茄仔同绿豆都
餐牌既选择繁多，有唔少人围住个餐牌然后就话：「入到去再决定。」感同心受呀！
坐到埋位就开始点菜，我地点左一客三色丼(左右两台都同我地点既一样！)同一客和牛汉堡扒。基于见到餐牌上面有，我地就选择左呢两样。
讲到座位，我明白繁忙时段系难免，但系会希望有多D私人空间，唔系好想同隔离太近。
和牛汉堡扒
$98
19 浏览
0 赞好
0 留言
汉堡扒系热腾腾咁上既，仲会听到「咋咋」声。烧汁系另外用个小碗仔装住，个侍应会问我地淋唔淋上去既。如果唔太习惯烧汁既味道，最好就keep住佢唔淋啦。因为我地觉得食食下好漏，唔系好顶得顺。
一切落去，肉身松软，入面可以见到肉汁好似山水咁流落黎。外层"crust"有煎过，唔会过㶶，有少少脆身，深啡色好吸晴一定系咁样煎过先锁住到啲汁同肉味。但系我唔系好惯烧汁既味道，我要系用水过过佢先食。
薯仔就连皮都会想食埋，因为佢焗到外皮脆脆地，几香，入口软焾绵滑。薯仔上面既沙律酱仲有少少葱粒调下味，所以个本来冇调味既薯仔唔会太单调。粟米﹑蕃茄仔同绿豆都系铁板上烧得微焦，再加上有烧汁挂住系面，所以系几香。不过，食到第三啖就已经唔想再食，啲烧汁都聚系粟米到，太漏啦。
三色丼
$128
23 浏览
0 赞好
0 留言
第二道主菜 —— 三色丼。望落几吸引，因为都系细碗，有三样野，一次过满足你三个愿望
右边果碗系汁烧牛肉丼
中间果碗系吞拿鱼蓉葱粒丼
右边果碗系带子鱼子丼
我地就顺序由右至左咁食(淡至浓)，带子有少少咸味，但感觉唔太新鲜。饭粒煮得粒粒分明，有咬口，冇醋酸。我地就自己点左少少豉油一齐食先冇咁单调。吞拿鱼系唔错，有阵阵鱼鲜味，配埋爽爽既葱粒就好清新。牛肉丼果只汁其实就系岩岩汉堡扒既烧汁，食左两块就食唔落。最后决定加多$18要个沙律，去一去肥腻感。
沙律
$18
29 浏览
1 赞好
0 留言
只沙律汁系柚子沙律汁，酸味可以平衡番刚才既油腻感。清爽既蔬菜唔少得。食完呢餐好口渴，都添左几次水。
整体而言，D野食唔会话好好食，只能说是一般。
题外话/补充资料：
Service charge 10%
(以上食记乃用户个人意见 , 并不代表OpenRice之观点。)
张贴
