影片
更多
2010-09-14
20 浏览
6月15日, 端午节前夕, 最好就平生偷得半日闲, 请埋假就仲好添~ 所以我同呀菲都趁机偷下懒, 黎大坑行下食下野~ 呀菲对呢间西式小店绝不陌生, 因为系呢度嘅大厨教识佢食carbonara, 仲令呀菲从此爱上咗呢个意粉! 虽然细舖搬大舖, 但仍然好家庭式. 地方唔大, 不过我地2点几先黎所以有好多位, 成家人咁嘅侍应仲食紧晏昼饭添. ::: Combo for 2-3 persons ::: $178左睇右睇, 都系呢个$178餐最抵食! 平时可能唔会叫, 因为成日都好赶咁, 不过今日难得有假期, 可以hea住咁食, 人都开心d~::: Chicken Wings & Garlic Bread :::先黎小食, 鸡翼啱啱炸起, 一咬落去真系好热, 不过真系十分惹味, 鸡翼皮虽然炸粉唔多, 但系炸到好脆, 肉地都好鲜嫩~ 蒜蓉包亦系刚焗起, 佢比平时d片状蒜蓉包黎得厚切, 香脆程度不下于鸡翼, 蒜蓉牛油仲好香添~ 作为开胃小食真系非常冇得弹~::: Caesar Salad :::沙律份量够晒足, 沙律菜亦好鲜~ 加上caesar sauce同芝士碎, 俾到一种好浓郁嘅感觉, 配埋新鲜
::: Combo for 2-3 persons ::: $178
左睇右睇, 都系呢个$178餐最抵食! 平时可能唔会叫, 因为成日都好赶咁, 不过今日难得有假期, 可以hea住咁食, 人都开心d~
::: Chicken Wings & Garlic Bread :::
先黎小食, 鸡翼啱啱炸起, 一咬落去真系好热, 不过真系十分惹味, 鸡翼皮虽然炸粉唔多, 但系炸到好脆, 肉地都好鲜嫩~ 蒜蓉包亦系刚焗起, 佢比平时d片状蒜蓉包黎得厚切, 香脆程度不下于鸡翼, 蒜蓉牛油仲好香添~ 作为开胃小食真系非常冇得弹~
::: Caesar Salad :::
沙律份量够晒足, 沙律菜亦好鲜~ 加上caesar sauce同芝士碎, 俾到一种好浓郁嘅感觉, 配埋新鲜沙律菜又好夹, 增添一份鲜味~ 另外面包粒都好好食, 好脆呀~ 正!
::: Spaghetti Carbonara :::
意粉感觉比较硬身咗d, 其实系做到al dente, 不过对我黎讲淋番少少会易接受, 而家变得要用力去咬d意粉… 味道黎讲算唔错, 酱汁好thick令意粉好容易沾上汁液. 略嫌芝士味道重咗d, 传统Carbonara𠮶种蛋汁味反而被遮掩住.
::: Pesto :::
叫咗嘅pizza竟然唔记得影相…!! 太为食喇我地…… 不过pizza就应该系成餐最麻麻地嘅一样. 饼底太淋喇, 又唔脆又好薄wor, 令到整块pizza都条条fing… 而pizza料又好湿, 好似冇乜点焗过… 鸡肉同烟肉味道尚算浓, 加埋羊奶芝士味道都ok, 但系真系好似只系将熟咗嘅料放上面包度… 整体pizza反而做得唔好…
原本想食埋甜品, 但系竟然所有甜品都冇卖喇!! 佢地应该放弃咗呢一环唔做. 如果食西餐食埋甜品都好正常, 咁样做反而会少咗生意之余, 隔离嘅甜品店仲受惠咗.
其实呢度每一样都食到有家庭风, 唔会落好多香料或者味精~ 服务都几亲切, 店舖细细却做到街知巷闻, 系有佢原因嘅~ 不过pizza做得唔好, 就令我地有d却步.
张贴
