餃里 (蕪湖居)

营业中

休息中

位于芜湖居嫩鸡煨面餐厅，隔离开咗一间饺子店饺里，见到有好多人买外卖生饺于是入去试吓餐主打冇味精汤，配上自家制新鲜饺子，非常有心思餐厅系一间小店非常有人情味仲会一一介绍唔同饺子嘅分别。我同朋友今次就试咗咖喱鲜肉煎饺，芝士粟米煎饺，白菜鲜肉汤饺配蕃茄薯仔汤底及韭菜鲜肉碎饺配椰子猪骨汤。每只饺子嘅馅都非常饱满，非常有满足感个人最喜欢佢哋嘅煎饺。芝士粟米煎饺入口浓郁芝士，咖喱鲜肉煎饺非常惹味咖喱香，估唔到咖喱配上水饺都非常夹。蕃茄薯仔汤底及椰子猪骨汤底非常有妈妈家庭煲汤嘅感觉食得出佢哋系真材实料。另外我哋仲加咗$9要咗个细捞面，少少辣配上烟靭嘅面底，忍唔住一啖啜一啖，最后仲encore咗咖喱鲜肉饺子外卖返屋企。红磡平时冇乜水饺店依间如果唔想食得太油非常推荐。