韓宮 (已結業)

餐厅由韩国人主理，老板好热情会主动黎打招呼，主要都系做街坊生意，但平日都坐满人，感觉好正宗地道。前菜有泡菜、菠菜同腌萝卜青瓜，全部都可以refill 酱油蟹 $198蟹肉鲜甜，肉质紥实，蟹膏非常多，酱油唔会太咸盖过蟹肉嘅鲜味，加埋蛋黄，捞饭一流，唔怪之得又叫白饭小偷！韩国烧牛+猪肉 Set C $499有牛肋骨、五花腩、肥牛同猪颈肉，全部都调左味，牛肋骨长长一条，肉质幼嫩，五花腩油脂丰富，要烤耐少少，入口焦香香脆，肥牛同样油脂丰富，配埋泡菜一齐食会无咁腻，猪颈肉爽口弹牙。旁边仲有配菜，泡菜、芽菜、雪耳、茄子、肠仔同芝士。烧芝士几特别，烤完外脆内软，仲有拉丝，好正！牛肋骨汤饭 ＄128牛肋骨大大件、肉质软淋，入面仲有萝卜同粉丝，汤清甜带有少少胡椒味，非常暖胃！