金功夫點心火鍋 (已結業)

无论几眼训都好，星期日系家庭日，一定唔可以错过陪屋企人时间！佢地想去边，食乜，都要陪佢地！谂唔到食乜，Search下喇，点知发现呢间系新点心店，甘岩又离我地唔远，所以就决定去：金功夫点心火锅-湾仔分店！一行五人，坐底已经好鬼肚饿，已经忍唔住不停划野食！店员都好礼貌地serve我地，又同我地讲依家做紧一蚊优惠等等！呢个就系一蚊粒虾饺，食落唔会因为一蚊而觉得马虎，反而保留到水准(其实我地曾经到过金功夫点心火锅食佢地D点心)，虾饺皮够薄，虾食落爽口弹牙，食落够热够烟靭，仲有烟出架添！其实真系唔可以错过！小笼包我地都岩架，梗系要连埋啲汁一齐食喇！店员送过嚟时，已经闻到佢嘅香味！食落好热，差D「辣」到个嘴，所以大家再小心！食落够鲜够甜够Juicy，猪肉嫩滑，唔会过话太肥太靭，再点少少醋食，口感层次又增加左添！喂，你唔系唔试呀化！咪走宝至得架！我屋企人话蟹子唔够多，我心谂，甘不如去食日本料理啦！但佢嘅烧卖真系好好食！外层够薄，大大只嘅虾够爽口，蒸出嚟又唔会话太老，好好味，但又讲唔出差甘D乜！不过个人有少少建议，如果可以的话，不如试下早一两分钟拎出嚟，食落可能会有唔同呢！