宅蝦池室內釣蝦場 (已結業)

我个人来讲好钟意食泰国嘅大头虾，但系除咗泰国可以食到，喺香港其实好少喺街市可以买到。唯一就系钓虾场会见到呢一种虾。香港有嘅钓虾场唔系好多，我都系去过一两个，而呢个我嘅感觉系比较舒适休闲。佢就真系用钓嘅方法，唔会系系个场入边乱咁拖就会拖到。池入面系见唔到底，所以系唔会见到有虾，全靠技术同埋运气先至可以钓到。我钓左一个半钟头左右，就钓到有六只，我朋友仔就多d。其实见唔到底都系一件好事，因为见唔到底的话，虾都唔会见到你，所以啲虾就冇咁惊会容易啲上钓。呢度嘅客系钓到几多就食几多，我钓到嘅数量虽然唔算好多，但系店主非常之好人都会比多一两只我食。我今日就拣咗最简单好味嘅盐焗虾。咁样嘅鲜味系最好食嘅，原汁原味。除咗钓之外，呢度仲会有卡拉OK，游戏机可以玩游戏，如果钓到闷嘅时候，可以去玩下呢啲，再番转头钓虾，都可以消磨大半日，放假嚟不错。