王家沙．花樣年華 (金朝陽中心) (已結業)

庆祝家人生日，家中有老有嫩，就大家唔同口味，首选必定上海菜。之前朋友介绍过唔错，所以就同屋企人黎试试。呢到环境宽躺舒适，倾计聚会好地方，服务又好好，我地食到一半时，服务员主动黎帮我地换碗碟，而且，上菜速度又快，食物又好味，经过今次，相信好快又会再黎。 苏式鲜肉小笼包 $54皮薄易夹唔松散，而且好多汤汁，鲜甜唔咸唔油腻。 麻辣口水鸡 $88鸡肉嫩滑，但只有辣味，无麻辣。 鲜肉锅贴 $84煎到个底脆口，味道同小笼包差不多。 巴蜀回锅肉 $98味道偏浓，够惹味。 王家沙担担面 $68面比较淋身，但个汤够花生酱，香浓少辣。 鱼汤白菜仔 $78汤清甜，白菜仔爽口唔淋。 黑毛猪扒粗炒面 $108面都系比较淋身，煮耐左少少。猪扒就好好，好脆好松化。鲜肉生煎包 (5只) $84 呢个必食之一，但超热， 要整个窿等凉一凉，比小笼包更多更多汤汁，而且个底又煎到好松脆，一流。松子鲈鱼 $208炸到脆卜卜，小朋友最钟意，汁较为甜，酸味较少。 流心奶黄包 $38 呢个又系必食，热辣辣一咬开奶油流哂出黎，够香。