御 ‧ 家上海

营业中

休息中

同老人家庆祝生日，一行八人食得满足。虽然系食午餐，但我哋就好似晚宴一样，全部都系嗌小菜。老人家早食饭，所以我哋11:30am一开门已经到餐厅。由于之前已经订咗枱，所以服务员都好快已经带我哋去预留咗嘅大圆枱。叫咗总共10样嘢，大致上都好味嘅，唯独是个炒菜预先同服务员讲可唔可以煮得腍啲，方便老人家食，但出嚟嘅效果都仲系好硬。最出色系个鸡，皮脆，肉滑，好香浓嘅烟熏味👍🏻。原本个客户体验都好好，帮我哋𠮶几个服务员都好周到，宽容有礼，但去到差不多食完之际，有一位应该系比较高级嘅女服务员（因为只有佢着米色西装褛，所以直觉佢系比较高级）行埋嚟，用一个好不愿意嘅眼神同埋语气，问我哋究竟订咗几多个寿桃包？同埋我哋啲嘢食完未？首先寿桃包唔系我哋订嘅，系之前留枱嘅时候餐厅知道我哋系庆祝生日，主动话送俾我哋，所以我哋根本唔知佢送几多个。第二我哋食完未其实望吓张枱应该知道，佢最差嘅就系佢嘅tone and manner，原本一家人同老人家做生日开开心心，俾佢一句咁样嘅说话破坏晒😤。反而其他着黑衫，应该系比较junior嘅服务员都见到呢个情况，之后都过嚟同我哋讲唔好意思。