影片
更多
2017-11-02
324 浏览
假日到湾仔区探望长辈，指定动作︰之后一齐食晚饭，而且一定要食中菜! 佢地拣左胜记酒家，话经常嚟饮午茶，而且新张酬宾，晚饭全单有九折。三个人叫左几样嘢食，全部都系长辈拣，佢地钟意浓味，OK，我听候安排~【胡椒猪肚汤$108】好大碗，一人都有两至三碗。睇颜色就已经知道好够味，咸菜、支竹、猪肚份量都好多，仲大大件，咸菜啲咸味都滚晒去个汤度。但胡椒味略嫌唔多够，可以再落多啲，会更好味。汤入面冇白果，但加左唔少青芹，添一份芳香风味，唔错。【椒盐豆腐粒＄48】虽然系小食，但份量好多，外皮炸得薄脆，豆腐仍然保持嫩滑，有浓郁豆香。【怀旧酱烤猪半只＄198】呢度嘅招牌菜，做特价，我见枱枱都有叫，一只先系$368，我哋叫左半只。猪系BB猪，睇个头就知佢好细只。外皮烤到超脆，入口松化，色泽均匀。里面肉质嫩滑，满满油脂。【椒盐鲜鱿＄118】一上枱就闻到好香，大家都好快咁夹嚟食。炸得好干身，食完个碟底都冇乜油。鲜鱿鱼用椒盐炮制，仲加左粒粒蒜粒，好惹味，送饭一流。【浓汤海皇杂菜煲＄108】一大锅，全晚最清淡嘅一道菜，但佢系「浓汤」! 浓底有啲鱼味同海鲜味，呈奶白色，好好饮。海鲜有虾、鱿鱼，鱼块几大几滑。杂菜好多款
【胡椒猪肚汤$108】好大碗，一人都有两至三碗。睇颜色就已经知道好够味，咸菜、支竹、猪肚份量都好多，仲大大件，咸菜啲咸味都滚晒去个汤度。但胡椒味略嫌唔多够，可以再落多啲，会更好味。
汤入面冇白果，但加左唔少青芹，添一份芳香风味，唔错。
【椒盐豆腐粒＄48】虽然系小食，但份量好多，外皮炸得薄脆，豆腐仍然保持嫩滑，有浓郁豆香。
【怀旧酱烤猪半只＄198】呢度嘅招牌菜，做特价，我见枱枱都有叫，一只先系$368，我哋叫左半只。
猪系BB猪，睇个头就知佢好细只。外皮烤到超脆，入口松化，色泽均匀。里面肉质嫩滑，满满油脂。
【椒盐鲜鱿＄118】一上枱就闻到好香，大家都好快咁夹嚟食。炸得好干身，食完个碟底都冇乜油。鲜鱿鱼用椒盐炮制，仲加左粒粒蒜粒，好惹味，送饭一流。
【浓汤海皇杂菜煲＄108】一大锅，全晚最清淡嘅一道菜，但佢系「浓汤」! 浓底有啲鱼味同海鲜味，呈奶白色，好好饮。海鲜有虾、鱿鱼，鱼块几大几滑。杂菜好多款，有西兰花、生菜、菜心、芥兰、小棠菜，加埋粉丝同菇类，好丰富。
【西米红豆沙】免费送，一人一碗。只有一款甜品，冇得选择。虽然系送，但都用料足，每碗都有好多红豆同西米，唔会太甜!
简简单单家庭聚餐，呢度冇限时最啱。食物份量够多，价格合理。
张贴
