明星海鮮燒鵝專門店

营业中

休息中

大围市中心，选择不多。食物一般，主打阿拉斯加蟹。服务可以，阿姐算好招呼。价钱实惠，街坊生意嘛。烧鹅半只都系一百蚊，唔热，当然唔好同深井比较，始终一分钱一分货。龙趸两味，炒球有六件，啱啱一人一件，有点咸。阿仔话碟炆头腩D枝竹最正。碟瑶柱西兰花不过不失，但卖相就……。令人有惊喜竟然系生炒骨，生果味加上脆皮好开胃，食到唔停得口，但食完起码要跑10km，罪过！例汤系葛菜生鱼㷛唐排，好味，但揾唔到生鱼，可能游左去另一张枱。白饭无丝苗的香味，成本控制有关。糖水有红豆沙和西米露拣，送的。人均$120，食得开心又饱饱。