大麥牛肉麵 (已結業)

今次来到西环揾食，相信揾食版图可以继续扩大。台湾美食系香港一直都好受欢迎，而店铺亦越开越多。而今次尝试嘅呢一间，外表虽然唔算突出，但感觉非常平民、亲民。店面唔算大，装修简单，估计最多只可以容纳20人以内。店员姐姐好亲切，好有耐性地介绍食物，睇得出同附近食客好close，感觉好似系家中一样。食物选择唔算太多，不过就胜在贵精不贵多。招牌红烧牛肉面有台湾特色嘅面，通常都系带点粗，面条口感弹牙，食落觉得面质非常烟韧。个汤系牛骨高汤，好浓郁，加左少少辣将味道提升左。而牛肉应该系用左烧嘅方式去处理，保持住肉嘅鲜味，食落有嚼劲口感。牛肉嘅份量亦都好足，仲有半熟蛋。古早卤味鸡腿饭本人特别喜欢食鸡腿，所以一见到都忍唔住叫咗鸡腿饭。鸡腿大大只，卤得非常入味，食落唔会觉得好韧同好鞋，易入口。而饭嘅质感煮得啱啱好，仲有半只糖心蛋。皮蛋豆腐流心嘅蛋黄，皮蛋浸得好入味，味道好超浓郁，食落带点爽口，配上清凉香滑嘅百福豆腐，重点系厨师好细心地将豆腐切开一片在，方便进食。加上酸酸甜甜的酱汁，好开胃。卤水拼盘份量都算几多，最重要嘅当然要视乎卤得够唔够入味，鸡翼同鸡槌都做到呢一点，不过可能煮得耐左少少，肉质若然再滑少少会更