勤記潮州食家

营业中

休息中

是日黎左食近期人气急升的勤记，因为个个黎买勤记威灵顿，唉，黎到已经卖哂，无法啦，真系一条难求呀～咁转plan食个A餐先，午市客饭套餐都系38蚊，良心价得好紧要。套餐包例汤一碗，菊花茶一杯，小炒一碟，同白饭一团。一坐低落单，店员阿姐即刻送上例汤同菊花茶，菊花茶低糖好对胃，好好饮，唔怪得咁多人入黎买菊花茶外卖啦。是日的冬瓜汤，虽然系普通例汤，但上枱仲热辣辣，味道浓郁天然，不是师傅汤，好饮㖞。是日A餐系椰菜花炒鸡柳，好香啊～因为所有餐都系即叫即炒，如果你点个款餐啱啱出完，要等炒完下一款先㗎，所以都等几耐嘅，想快可以问下阿姐睇师傅炒嘅咩，跟住叫就即刻有得食。即炒的椰菜花爽脆甜，鸡柳嫩滑，简单调味不造作，好有家的感觉，平凡中更觉温馨。白饭超多，超多，超多！传说中嘅勤记饭山，哈哈，出尽全力先吃得完，非常饱哟～好味又够饱，仲要良心价，唔怪得日日都排满人啦。