影片
更多
2010-11-03
11 浏览
上星期六师傅同好友食家"乜都放入窿"散左会后, 本来就要分道扬镳, 皆因好友食家"乜都放入窿"要去靓仔正哥家中作客; 而靓仔正哥就分吩咐好友食家"乜都放入窿"要帮佢买game, 听到买game师傅决定陪好友食家"乜都放入窿"走一转先!去到旺角行完信和, 好友食家"乜都放入窿"就提议食少少野, 师傅就好鬼好奇地问: “唔系一阵要食大闸蟹咩?” 点知好友食家"乜都放入窿"答: “有排都未有得食住, 最快都要晚上十一点先有得食, 所以食少少打定底都冇坏!” 师傅听到好友食家"乜都放入窿"咁讲, 当然赞成啦, 至于食店亦由好友食家"乜都放入窿"发板, 最后就带师傅黎左呢间食店!呢间食店主打系食热狗, 入到去见到人影都唔多, 莫非个个去晒应节, 扮鬼扮马所以连食都唔得闲? 但对于师傅黎讲反而仲好, 人少少又静静地, 直头好似自己屋企, 于是坐底后慢慢睇下有咩食, 而𠮶种速度真系可以用hae黎形容; 睇左好多个餐好多款热狗都好吸引, 不过款款都廿蚊过外; 突然间好友食家"乜都放入窿"发现左呢个餐, 而呢个餐只卖十八蚊, 于是问下位姐姐而家仲有冇得食? 结果系有, 就二话不说去柯打左两客美式热狗配两
去到旺角行完信和, 好友食家"乜都放入窿"就提议食少少野, 师傅就好鬼好奇地问: “唔系一阵要食大闸蟹咩?” 点知好友食家"乜都放入窿"答: “有排都未有得食住, 最快都要晚上十一点先有得食, 所以食少少打定底都冇坏!” 师傅听到好友食家"乜都放入窿"咁讲, 当然赞成啦, 至于食店亦由好友食家"乜都放入窿"发板, 最后就带师傅黎左呢间食店!
呢间食店主打系食热狗, 入到去见到人影都唔多, 莫非个个去晒应节, 扮鬼扮马所以连食都唔得闲? 但对于师傅黎讲反而仲好, 人少少又静静地, 直头好似自己屋企, 于是坐底后慢慢睇下有咩食, 而𠮶种速度真系可以用hae黎形容; 睇左好多个餐好多款热狗都好吸引, 不过款款都廿蚊过外; 突然间好友食家"乜都放入窿"发现左呢个餐, 而呢个餐只卖十八蚊, 于是问下位姐姐而家仲有冇得食? 结果系有, 就二话不说去柯打左两客美式热狗配两杯汽水!
买完飞后坐底又等等, 师傅发觉店内环境系相当光猛舒服, 而食店内亦有背景音乐, 真的十分柔和写意; 转眼间就听到叫冧巴, 于是师傅就去捧餐; 虽然捧餐唔系师傅钟意, 但咁写意嘅环境下捧餐师傅都系第一次! 美式热狗都几大只, 卖相十分吸引, 热狗内配上蕃茄, 青瓜同脆皮肠, 加埋茄汁同芥辣, 绝不马虎, 睇得出系好有心机整! 师傅当然急不及待要试啦, 一放入口包身够热, 外层微脆但内里松软, 呢种包师傅就最钟意食, 皆因唔硬同唔实, 绝对系超正; 而脆皮肠都好长身, 仲长过个包, 入口香脆配上青瓜爽口, 蕃茄新鲜, 成只热狗真系非常之好味! 至于汽水就冇咩好讲, 纯粹解渴!
总括黎讲热狗水准非常出色, 环境舒服, 服务友善, 价钱相宜, 师傅咁样食都系十八蚊, 如果拣其他餐仲会多份薯条添! 师傅觉得呢只热狗个 “晒屎” 仲大只过老麦嘅板烧鸡腿包, 而价钱又抵, 虽然不能同一而喻, 但如果有得拣师傅宁愿黎呢度慢慢咁叹番只热狗, 除左抵食之外, 最重要系比师傅有一个家的感觉, 忙碌嘅旺角里有个咁宁静舒服嘅地方, 所以呢间食店系绝对值得推介! 是之笑脸绝对走唔甩, 而师傅呢一刻已经心思思想去下一次, 所以好肯定一定会再黎! 好友食家"乜都放入窿"果然冇介绍错!
张贴
