陪著你走甜品 (已結業)

友人知我係天后區食客，就派我去呢間新開甜品舖試下。起初我就買外賣，點知又有朋友約去消夜，所以我一晚食左兩次。店舖裝潢雖然簡簡單單，但好有家庭feel.而我幾喜歡啲主打甜品嘅相掛左享當眼地方，一目瞭然。你睇下幾有心思，有張圖片卡仔釘住享份外賣，咁就可以確定我冇拎錯。仙草八寶。唔好以為啲料得咁少，全部都喺個底處。有芋圓啦丶紅豆丶蓮子丶薏米等等。仙草質感唔錯，最重要就係份糖水唔會好甜，絕對無添加。原味焦糖燉蛋.又香又滑, 如果有熱食就更加好。夠薑蕃薯加芋圓。薑味好濃但飲落又唔會好辣，蕃薯夠腍，芋圓好有口感。我覺得如果舖頭有多啲熱嘅甜品就更加好啦！