陪著你走甜品 (已結業)

友人知我系天后区食客，就派我去呢间新开甜品舖试下。起初我就买外卖，点知又有朋友约去消夜，所以我一晚食左两次。店舖装潢虽然简简单单，但好有家庭feel.而我几喜欢啲主打甜品嘅相挂左享当眼地方，一目瞭然。你睇下几有心思，有张图片卡仔钉住享份外卖，咁就可以确定我冇拎错。仙草八宝。唔好以为啲料得咁少，全部都喺个底处。有芋圆啦丶红豆丶莲子丶薏米等等。仙草质感唔错，最重要就系份糖水唔会好甜，绝对无添加。原味焦糖炖蛋.又香又滑, 如果有热食就更加好。够姜蕃薯加芋圆。姜味好浓但饮落又唔会好辣，蕃薯够腍，芋圆好有口感。我觉得如果舖头有多啲热嘅甜品就更加好啦！