渝老大 (砵蘭街)

营业中

休息中

出嚟太子揼骨，又周围揾嘢食～～今日响砵兰街见有间川菜都唔错～午餐有几多嘅选择，加$12跟白饭同一杯嘢饮～金汤酸菜鱼（$88）：佢用鲈鱼，鱼肉都几滑，有肉有骨～酸菜好明显有炒香，仲有莴笋同粉丝！好𩠌饭，十分惹味！！大碗腊肉炒花菜（$78）：老细最爱福花菜！我反而好欣赏个腊肉～因为佢嘅烟熏味真系好出！而且一食就食到个家乡嘅味道～啲肉皮系烟烟韧韧，好有咬口𠮶种～食过你就会明我讲乜～🤭😋小炒黄牛肉（$88）：啲牛肉好嫩滑，但系绝对唔系松肉粉乸到淋晒𠮶款～用咗好多青椒，但又唔会太辣，好惹味！！咸柠檬雪碧：竟然一杯用半个咸柠檬？！佢啲咸柠檬几香～唔会死咸，配川菜真系一流！！