極尚大瀛喜日本料理

营业中

休息中

大瀛喜喺元朗已经好多年😀有时收工同成班friend都会去食嘢，价钱方面二百几蚊食到饱卜卜任食真系好抵！有得任食刺身高蛋白质，真系啱晒减肥人士😋而且平时食刺身好贵，好容易就回本！自助区可以直接去自助餐饮品区自己拎，款式好多仲有清酒、咖啡、茶、啤酒基本上咩都有，味增汤、小丸子、炸鸡，仲有好多小食唔记得咗🙈雪糕雪条甜品全部任食。刺身刺身方面款式好多竟然有松叶蟹脚刺身😱咁就好容易回本，常见嘅油甘鱼、三文鱼、甜虾、虎虾、赤贝、带子、吞拿鱼就一定有㗎啦！油甘鱼一向我都钟意，油脂充足鱼味香。三文鱼系厚切咬落肥美味道鲜美。创作寿司、卷物都好特别，红酒蓝莓鹅肝好香鹅肝味好吸引😃 酱烧左口鱼边寿司，本身油脂丰富落少少酱汁火炙已经好正，芒果龙虾沙律甜得来几清新。炸物金牌红烧乳鸽系我嘅最爱🙈十分推介，好好食外脆内软有肉汁，食咗几件。蒜蓉焗帆立贝蒜蓉味好香口食到停唔到，酱烧黄金虾由细食到大呢个酱汁，虽然好肥🙈但真系超钟意！