鐵板 (已結業)

前晚朋友请食饭，之前去左apm N次都未试过，咁本住唔驶自己俾钱既心态，就一于做晚白老鼠啦！𠮶时已经7点几，完全唔驶等位，而餐厅只系得几枱坐左人，我地叫左以下食物：1. 三文鱼刺身(无甚特别)2. 清酒煮东风螺(真系好清酒，无乜酒味，东风螺有少许沙)3. 软壳蟹卷(只蟹唔热，唔得)4. 煎蟹肉饼伴薯仔(都几多蟹肉，但又系唔够热，啲薯仔劲干)5. 厚烧鱿鱼带子烧饼(又系唔够热，睇下图都可以见到个烧饼真系好厚，中间好似唔系咁熟，不过加左啲长芋，感觉几特别)不过环境对于我地两个喺度倾计既人就尚可接受，几够静，但个侍应成日走埋黎加水，又扮晒傻走埋黎问啲食物到齐未，但到最尾埋单就反而叫几次先到啰！