宿宿醉 (已結業)

话说有次听到呢间餐厅个名觉得好特别，仲以为间酒吧啦，点知原来系间越南餐厅，真系fake左！比个名吸引左我去试呢间越南餐厅，餐厅系商住大厦6楼，一入到去就好重越南味，播住越南歌，虽然唔识听，不过觉得成𠮶人好似去左越南咁。。墙上面有幅最后晚餐嘅wallpaper都几搞笑下！！老板即刻俾咗个Menu我睇，个Menu好得意架，好似个相架，见到有我最钟意嘅捞檬呀！！就即刻嗌咗个香矛猪扒捞檬，再嗌左芒果软壳蟹纸米卷，每次食亲越南野都一定要嗌纸米卷，对纸米卷有一份情意结 等左一阵个香茅猪扒捞檬就嚟到喇，一嚟到就俾个碗吸引住，好靓呀个碗，搞到我影左劲来想先舍得食，碗香茅猪扒有好多块猪扒，新鲜煎嘅猪扒好入味，好正呀！芒果软壳蟹纸米卷都同样出色，啱啱乍起嘅软壳蟹夹埋芒果一齐食，又热又冻好正呀！