林記小食

营业中

休息中

今晚钓墨鱼收获真系麻麻，无可能食得饱。落左船去酒吧安顿好就即刻去揾食，依条巷仔好多好野食㖞 ﹗生滚粥、糯米饭、泰式串烧烧烤、肠粉、烧卖、鸡髀、咖喱鱼丸、等等。排排吓队又有个女人打尖，又要我发火叫佢排队，系咪您自己攞黎衰 ﹗系要肉鬼酸比人闹先得 ﹗又系大陆婆 ﹗我企系 uncle 个档口谂左好耐好耐，买唔买黎试吓呢，好香㖞，夏天食腊味饭，HKD22 得好少乍。有润肠腊肠各半条、腊鸭三块、花生葱花同豉油啰。好好食，糯米饭干身咽韧，捞埋豉油同葱一齐食，热辣辣好正呀 ﹗无投诉，系份量少啲啰。好多野想食，为免食唔晒，所以拣左串辣鱼蛋、生肠。生肠入味又爽口，唔会过咸，好食。鱼蛋系真鱼蛋㖞，口感结实鱼味浓，但我叫辣鱼蛋㖞，无辣味既？本来有叫豉油鸡髀架，但阿姐话慢慢有排都未熟，要浸好耐呀 ﹗咁算啦，今次放过您，唔要喇。混酱肠粉，辣酱、甜酱、麻酱、芝麻、豉油撞埋一齐 ﹗本身无咩特别，但个肠粉坚滑㖞，食开街边既都比较粗糙同挺身，最正系佢秘制麻酱，好香又好好味。