影片
更多
2023-08-22
312 浏览
唔得喇! 要减肥呀! 试试168方法! 一日食一餐! 食果餐系晚餐.试咗几日，第一个感觉系更加重视晚餐，一日得一餐嘛！早两日想食猪手，几经辛苦等到晚餐，走去七喜，再叫个牛筋米，可惜完全系失败! 猪手过咸牛筋炆得唔够耐，七喜可以永远打入冷宫!唯有行远少少，去肥仔记! 减肥先走去肥仔记，好似好鬼讽刺....肥仔记店舖入面有个 "本店十大必食" 木牌推介，竟然停售猪手同猪润! 必食但无货，系第二个讽刺...山去水远行到嚟居然无货，唯有转叫白灼鹅肠同叫碗牛筋米多葱.优点:1, 牛筋炆得够耐，入味又够冧，虽然未至于完完全全冧透，但已经收货，起码好过七喜!2, 白灼鹅肠无膏，夹自己口味，因为私唔喜欢有膏，份量足无偷工减料，够弹牙，餐厅提供嘅酱汁系麻油+豉油+葱粒，好彩无加辣! 我眼尾𥄫到居然有白沙糖，咁就加D辣油都唔惊! 加上咗糖同酱汁，有麻油香葱香豉油咸味甜味辣味，够哂复杂够特别! 油菜都点佢!3, 二十零蚊一碗单并面，套餐都只系四十零蚊，抵啦! 系湾仔谢非道返工，楼下果D难食饭，五十蚊都唔得啦! 份量又细!4, 冷气足够.5, 环境干净，极具中国风.缺点:1, 餐厅又系用趟门，客人行出行入无手
试咗几日，第一个感觉系更加重视晚餐，一日得一餐嘛！
早两日想食猪手，几经辛苦等到晚餐，走去七喜，再叫个牛筋米，可惜完全系失败! 猪手过咸牛筋炆得唔够耐，七喜可以永远打入冷宫!
唯有行远少少，去肥仔记! 减肥先走去肥仔记，好似好鬼讽刺....
肥仔记店舖入面有个 "本店十大必食" 木牌推介，竟然停售猪手同猪润! 必食但无货，系第二个讽刺...
山去水远行到嚟居然无货，唯有转叫白灼鹅肠同叫碗牛筋米多葱.
优点:
1, 牛筋炆得够耐，入味又够冧，虽然未至于完完全全冧透，但已经收货，起码好过七喜!
2, 白灼鹅肠无膏，夹自己口味，因为私唔喜欢有膏，份量足无偷工减料，够弹牙，餐厅提供嘅酱汁系麻油+豉油+葱粒，好彩无加辣! 我眼尾𥄫到居然有白沙糖，咁就加D辣油都唔惊! 加上咗糖同酱汁，有麻油香葱香豉油咸味甜味辣味，够哂复杂够特别! 油菜都点佢!
3, 二十零蚊一碗单并面，套餐都只系四十零蚊，抵啦! 系湾仔谢非道返工，楼下果D难食饭，五十蚊都唔得啦! 份量又细!
4, 冷气足够.
5, 环境干净，极具中国风.
缺点:
1, 餐厅又系用趟门，客人行出行入无手尾中门大开，走哂冷气！坐入D先够凉.
2, 十大必食但两款无货! 见到有D客一听到猪润停售，失望不满之情表露无遗!
3, 要多葱无多葱，要少冰无少冰，又漏单，有客人叫冻0茶又嚟咗冻奶茶，人手明显不足，收银落单传餐都系果一个妹妹！
希望下次嚟帮衬，除咗有猪手提供，猪手质素唔会失望啦！
张贴
