影片
更多
2011-04-12
86 浏览
1月14日, 天冷就梗系想食煲仔饭! 但想食好多次都未食得成… 今日喺观塘都特登要揾间煲仔饭嚟食! 呢间茶餐厅门口有成十几个炉头, 有两个呀姐密手密脚不停放煲揭盖睇火煮煲仔饭同滚生滚粥~ 真系望住都已经暖哂!::: 香芋章鱼鸡粒饭 ::: $42落单之后睇住门口呀姐熟手地将洗好嘅米倒落煲仔, 等饭滚至半熟时再落𩠌料, 然后将饭煲熟~ 煲仔饭上枱时仲系超级热辣辣!! 淋上豉油之后再焗一阵, 开盖时d芋头同章鱼够哂香气扑鼻~ 而且料真系好多, 除咗香芋、章鱼同鸡粒之外, 尤其欣赏饭面大量嘅菜~ 好少地方煲仔饭可以咁健康!! 煲仔饭d芋头细细粒煮得粉淋, 好食! 但章鱼粒略嫌过硬, 鸡粒虽弹牙但味淡… 煲仔饭豉油无乜味, 无平时𠮶种甜味. 饭焦唔多, 只有薄薄一层, 唔太脆但味道都唔差~ 虽然唔算好出色, 但睇在佢即叫即整兼落足料去做, 食得过嘅!!::: 蚝仔肉碎粥 + 冻柠茶少甜 ::: $30 + $7蚝仔粥同样即叫即滚~ 行潮洲粥路线, 粥底较稀, 呈粥料分开状. 米粒未煲到有米花,但饭粒都几淋. 蚝仔都唔少, 但货色一般, 细细粒而味道亦唔太鲜! 肉碎就少d… 基本上唔系好食到…
::: 香芋章鱼鸡粒饭 ::: $42
落单之后睇住门口呀姐熟手地将洗好嘅米倒落煲仔, 等饭滚至半熟时再落𩠌料, 然后将饭煲熟~ 煲仔饭上枱时仲系超级热辣辣!! 淋上豉油之后再焗一阵, 开盖时d芋头同章鱼够哂香气扑鼻~ 而且料真系好多, 除咗香芋、章鱼同鸡粒之外, 尤其欣赏饭面大量嘅菜~ 好少地方煲仔饭可以咁健康!! 煲仔饭d芋头细细粒煮得粉淋, 好食! 但章鱼粒略嫌过硬, 鸡粒虽弹牙但味淡… 煲仔饭豉油无乜味, 无平时𠮶种甜味. 饭焦唔多, 只有薄薄一层, 唔太脆但味道都唔差~ 虽然唔算好出色, 但睇在佢即叫即整兼落足料去做, 食得过嘅!!
::: 蚝仔肉碎粥 + 冻柠茶少甜 ::: $30 + $7
蚝仔粥同样即叫即滚~ 行潮洲粥路线, 粥底较稀, 呈粥料分开状. 米粒未煲到有米花,但饭粒都几淋. 蚝仔都唔少, 但货色一般, 细细粒而味道亦唔太鲜! 肉碎就少d… 基本上唔系好食到… 成个粥整体味道比较淡, 不论系粥料同米粒都无乜味!
冻柠茶少甜柠檬片得好薄… 而且好多冰… 较到柠味淡得嚟茶味又沟稀埋…
晚饭时间, 成间茶餐厅坐满哂人, 几乎全部人都叫个煲仔饭嚟食~ 好大原因系因为喺观塘食煲仔饭嘅选择真系唔多, 而呢度净系门口d炉头排场已经够哂气势! 街坊价钱, 足料大份~ 虽然味道上同新翠华仲有段距离… 但都已经唔错. 只系其他食物就一般般…
张贴
