印度會

营业中

休息中

又系时候食团年饭喇喂……一大班朋友, 梗系拣去BBQ喇，女神搞手好得, 拣来左佐敦既"印度会"。印度会系伊利莎伯医院附近，佐敦地铁站B2出口, 步行数分钟便达。印度会既BBQ分室内及室外，上楼梯后，会见到长形室内场，简洁既布置，颇清新！我地有三十几人，个印度侍应生俾半个室内场我地用，合共占左三张长枱，室外侧可占用两个长形炉，而摆放食物既地方都好整齐干净，真系有别一般既BBQ㗎！最正系唔使用叉来烧，只须将食物放上炉上烧就得，省时兼快、靓、正呀麻！价钱都算公道，每人盛惠HK$190.- 任食+任饮啤酒汽水三个钟，算唔错!食物当然系大路嘢, 计有弹牙既鱼蛋及猪肉丸。嫩滑既鸡翼、鸡扒、鸡脾。新鲜既猪脾、猪扒、猪颈肉。肉质较实既牛扒。香囗既秋刀鱼。啖啖肉既芝华力肠。鲜甜既菠萝。够香够软冧既冬菇。好fresh既蕃茄仔同超甜粟米等等。等候烧既时候，仲可以攞d印度烤饼医住肚先添！d烤饼比较厚身，咖哩汁够辣但唔够滑, 但食落又好好味……如果再加多些少唔同既食物款式，呢处就更加perfect嘞！侍应生会refill食物，但次数唔多, 大致上都系自己serve自己啰! 我地一于密密烧, 密密食, 个个捧住个