影片
更多
2017-06-17
1379 浏览
咁多种类嘅野食，我最钟意就系烧肉，一路烧啲肉香油香一路「标」出黎，真系正到晕。一个月总有几次系烧肉，今日朋友又约我烧肉喇，果然系好朋友。已经黎过伊贺几次，星期一至四晚$258一位，每人加$30就可以任饮同任食乳酪。 乳酪含有活乳酸菌，可以促进肠脏蠕动、排走体内的毒素、消除积聚喺肚腩嘅脂肪……开始时先食一杯乳酪打打底，感觉冇咁易肥，同埋冇咁有罪恶感。饮品方面选择唔算多，但有好味而且有果粒嘅菠萝汁同芒果汁，亦有啲果茶、乌龙茶。如果想长期作战就饮果茶或者乌龙茶，冇咁易饱~ 其实我自己唔加饮品都得，每枱都备有一壶热茶，仲消滞添! 但朋友要饮冻野，咁就要两个一齐加。两个人就会送一板海胆，仲会俾一只刺身船。因为之前食过伊贺，知佢只刺身船好巨型，所以今次一开波就叫停个刺身船先，保留食力! 只系要左个海胆先，刺身就自己慢慢按量点选。以为送嘅海胆质量会麻麻，但食落完来都几鲜甜，亦都冇𠮶种低质海胆嘅异味，绝对唔会因免费而HEA~点左八爪鱼刺身、三文鱼刺身、烧玉子卷。刺身质素唔算高，但食烧肉放题仲可以任食刺身，仲想要求啲乜?!有个日本烧肉大师讲过，想知道烧烤网系咪够热，只要喺炉上唧少少柠檬汁，如果柠檬汁瞬间
两个人就会送一板海胆，仲会俾一只刺身船。因为之前食过伊贺，知佢只刺身船好巨型，所以今次一开波就叫停个刺身船先，保留食力! 只系要左个海胆先，刺身就自己慢慢按量点选。
以为送嘅海胆质量会麻麻，但食落完来都几鲜甜，亦都冇𠮶种低质海胆嘅异味，绝对唔会因免费而HEA~
点左八爪鱼刺身、三文鱼刺身、烧玉子卷。刺身质素唔算高，但食烧肉放题仲可以任食刺身，仲想要求啲乜?!
有个日本烧肉大师讲过，想知道烧烤网系咪够热，只要喺炉上唧少少柠檬汁，如果柠檬汁瞬间蒸发就代表够热，可以开始烧肉。而先搽啲柠檬汁喺烧烤网上面亦可以防止黐网。呢度系有单点柠檬同青柠，梗系要order啦。我试左呢个方法，又真系好似几有效㖞
至于点样烧先至系鲜嫩好味又唔会烧焦，垫枱纸就有清晰提示: 牛肉放喺炉中间烧，可以短时间内烧熟牛肉锁紧肉汁，而鸡肉猪肉就要熟透先食得，所以就喺核心嘅外围慢慢烧，唔会表面烧㶶晒。加埋上面嘅柠檬秘技，食烧肉就无往而不利~
牛舌、安格斯牛小排、带骨牛肋肉、鸡泡鱼干 - 牛舌都几大块同厚，有咬口。安格斯小牛排同带骨牛肋肉都油花分布均匀。我钟意食安格斯牛小排多啲，肉汁丰富满口油香。
「中场休息时间」就叫左两款沙律减吓油腻感，胡麻酱沙律 - 蔬菜几新鲜，仲有好多胡麻酱，酸酸甜甜好开胃。
蟹籽沙律 - 又系好多沙律酱，正! 蟹籽同蟹柳份量都好足。
虎虾大只而且新鲜够爽，对钟意食虾嘅我嚟讲系必点之选; 帆立贝上面有一层牛油，令帆立贝更鲜甜。
活蚬 - 每客3只，放喺一个装左蒜蓉清汤嘅金属兜仔，成兜直接放上个炉烧就得。好处就系容易处理，亦都唔会烧到干晒，所以食落仲系鲜甜水润。蚬嘅size系细左啲，但只只开口，新鲜冇沙，任食架嘛，无限encore啰~
QQ蛏子 - 烧肉放题有得食蛏子真系惊喜，同活蚬一样鲜甜，但比活蚬大只，所以食落更满足，又系劲encore之选~咁细只嘅蛏子BB，真系第一次见咋!
香草龙脷 - 出面食烧鱼肉好花功夫，因为烧鱼肉容易黐网，所以要经常去反，呢度就成兜烧，唔怕烧焦。香草味浓，不错。
埋单时店员话一人会送一盒Mövenpick雪糕，拣左朱古力同云呢嗱味~ 以前要赞好面书先有架，而家直接就送。Mövenpick系雪糕中嘅名牌子，几好食唔驶我介绍啦~
呢度上菜都几快，落order系用平板电脑，点完confirm冇耐，啲嘢食就送上，而且印像中冇漏过单，赞!!
最后有少少建议，就系应该改善一下抽风系统，感觉个抽风管唔系咁抽到油烟，食完个身成阵烧烤味。另外个Background Music声浪亦大左啲，变左倾计都要大声啲。
张贴
