北海道食堂 (已結業)

间唔时都会想食放题放纵下，今日就同老公返返入沙田拆餐劲嘅！之前行过一直都想试下嘅北海道食堂，平日相对少好多人！无提早订位，所以想坐卡位都冇晒噜～食物种类都有好多除咗寿司、卷物、刺身，仲有铁板串烧、炸物等等。无论你𠮶日想食熟食定系刺身都一样有得拣！坐低冇耐就梗系拎咗嘢饮先啦！饮品区有室温同埋雪咗嘅野饮，都好齐全㗎！唔赶时间嘅猪太郎，当然慢慢食，每次嗌少少，就无咁快一下就饱啦😗😗！开波啱啱好就送上枝豆，边食前菜边等食👍🏻。个人最钟意烧牛舌、烧鸡肾！好有口感！如果多啲汁畀我哋点就更加正！一边食串烧一边叹番杯汽水真系好爽！另外炸物嘅话我哋都好钟意食鸡软骨粒、炸墨鱼咀仲有多春鱼天妇罗！铁板料理来讲就有少少油腻，我哋就嗌得唔算多，广岛蚝鲭鱼同埋带子都唔错㗎！