富臨漁港囍臨門酒家 (已結業)

呢排大家都喺度研究緊有咩晚市外賣最抵食，就俾我哋發現長沙灣廣場富臨漁港喜臨門酒家推出咗好抵食嘅晚市套餐。呢個套餐係喺佢哋嘅網頁( https://cutt.ly/NIfEts6 )落單，四位用套餐只需要$238，同事食過話質素都唔曳，今日就輪到我自己試吓。上網落單，揀埋指定提取時間，嚟到即刻有得拎，真係夠晒方便。古法羊腩煲入面除咗有羊肉，仲有冬菇、馬蹄、枝竹等，朔晒啲汁好好味。金銀蒜蒸龍躉件上面仲有大量蔥花，魚肉夠滑，金銀蒜配蔥花夠晒香。上湯野菌泡菜苗份量豐富，裏面有雜菜同菇菌，我覺得個份量同堂食小菜冇乜分別，絕對足夠四個人食。沙薑豬手係一個冷盤，豬手夠爽口，個汁酸酸味味，我最鍾意佢有大量嘅花生同埋芫荽，非常惹味。臘味糯米飯每粒飯都咁分明，入面有臘腸同蝦米，仲有我最鍾意嘅脆花生，味道亦唔錯。呢個餐嘅性價比真心講，真係好抵食，富臨仲有其他四人餐同六人餐，下次可以試吓其他套餐先。