板神鉄板燒日本料理 (已結業)

♙ 富士见·铁板烧 · 一人前 $1380 𖦹 前菜三点包括开胃嘅紫薯番薯金时、滑溜嘅水云、同埋爽弹嘅甜酒黑梅贝，𖦹 季节沙律芦荟豆芽野菜沙律配金橘沙律酱味道酸酸甜甜，非常清新。𖦹 刺身三点带子、油甘鱼同赤身都极为鲜甜！𖦹 火焰北寄贝以北寄贝壳盛载住烧熟嘅北寄贝，以海藻煮成嘅高汤更显北寄贝嘅鲜甜爽口，火焰效果打卡一流。𖦹 龙虾配salty 7 龙虾啖啖肉，配上用蟹膏制成嘅酱汁，同埋用蝶豆花、樱花虾打成既紫色泡泡，层次丰富。最特别系呢道菜会附上一杯cocktail - 咸柠檬gin tonic，同主菜相当合衬。𖦹 季节煮物包括日本芜菁、甘荀、珍珠洋葱，味道清甜。𖦹 和牛汤以茉莉花茶及木鱼汤熬制而成，和牛味道浓郁。𖦹 美国牛肉厚烧 / 日本豚肉薄烧 五成熟嘅牛肉外香得内嫩，牛香满溢；日本豚肉薄烧肉质软嫩，包住香葱同吃更加香口。𖦹 渍物•汤•炒饭炒饭粒粒分明，镬气十足；汤品 以龙虾头熬制，入口鲜甜。𖦹 甜品甜品系焦糖多士配自家制蓝莓雪糕，亦有香甜嘅士多啤梨作伴碟，多士香脆充满焦糖香味。