影片
更多
2024-10-15
141 浏览
#权记面食专家喺港岛区想揾一间老字号又出名又抵食嘅面家，我会谂起我经常去嘅石塘咀熟食中心入面嘅权记。佢同平时有几间分店嘅平价云吞面舖唔同，呢间系好有历史嘅舖头。只见到老板不停地包云吞，就咁就包咗几十年。几年前食过炸酱面好食，今次照板煮碗，$32，唔知系咪太耐冇食，定因为食多咗其他嘢，又或者系煮面师傅唔同咗，总觉得冇上一次咁好食。炸酱嘅香味唔够，面亦唔够爽弹，只有肉丝比较大条而且仲保持肉质嫩滑。之前食过净云吞一碗有八粒超好食，系必食。今次想试下净水饺，同样系$32，共有五粒。水饺几大只好饱满，食到有木耳丝笋丝虾肉同埋唔知系咪马蹄粒，我会用实净嚟形容质感，都几饱肚。个人口味而言，我比较钟意净云吞多啲，虽然今次味道好似有少少唔同，喺区内呢度嘅出品都系有质素的。权记面食专家西环石塘咀皇后大道西470号石塘咀市政大厦2楼熟食中心CF5号舖
喺港岛区想揾一间老字号又出名又抵食嘅面家，我会谂起我经常去嘅石塘咀熟食中心入面嘅权记。佢同平时有几间分店嘅平价云吞面舖唔同，呢间系好有历史嘅舖头。
只见到老板不停地包云吞，就咁就包咗几十年。几年前食过炸酱面好食，今次照板煮碗，$32，唔知系咪太耐冇食，定因为食多咗其他嘢，又或者系煮面师傅唔同咗，总觉得冇上一次咁好食。炸酱嘅香味唔够，面亦唔够爽弹，只有肉丝比较大条而且仲保持肉质嫩滑。
之前食过净云吞一碗有八粒超好食，系必食。今次想试下净水饺，同样系$32，共有五粒。水饺几大只好饱满，食到有木耳丝笋丝虾肉同埋唔知系咪马蹄粒，我会用实净嚟形容质感，都几饱肚。
个人口味而言，我比较钟意净云吞多啲，虽然今次味道好似有少少唔同，喺区内呢度嘅出品都系有质素的。
权记面食专家
西环石塘咀皇后大道西470号石塘咀市政大厦2楼熟食中心CF5号舖
12 浏览
0 赞好
0 留言
张贴
