富臨薈 (已結業)

好耐無行過沙田新城市，通常好多間餐廳都又貴又唔好食，但行多幾步去到偉華中心，今晚終於比我搵到間非常惹味既川菜。而且呢度裝修富現代感，坐得舒服。🥢蝦浜蟹將點心賣相非常精緻，皮薄，蝦肉新鮮彈牙，睇得又食得。🥢青椒唐心皮蛋辣汁惹味，但皮蛋有點稔。🥢招牌老壇酸菜魚酸菜魚賣相好吸引，魚肉嫩滑，份量多，酸酸地好開胃，而且論價錢，香港黎講絕對低食。🥢富薈海鮮稻庭烏冬盛器好別緻，配料有魚、珍珠貝、蝦。烏冬彈牙，湯底十分清甜，差唔多飲哂。🥢蛋酥脆糍粑表面金黄，，外脆內軟，黑糖醬唔會太甜，味道剛好。🥢燒乳鴿最後見到每一枱都有人叫乳鴿，自己都忍唔住叫返隻，仲抵食過自己去街市買，而且香脆多肉汁，唔怪得甘受歡迎。