老巴剎廚房 (已結業)

自报章报导过前政务司司长唐唐爱于湾仔「老巴刹厨房」包场，与高官好友叹红酒之后，肥肥家族一直都想去见识一吓 。旧年年尾，机会终于黎临，大食会刚刚成立，会长就搞咗一围去试传闻中o既「高官富豪饭堂」。「老巴刹」喺小肥公司附近，故不时都会经过其半磨沙o既玻璃门窗，每次总觉得佢神神秘秘咁，今次步入餐厅，方才发现其室内简单o既格局及嘈杂o既环境与一般茶餐厅无异，真系估唔到班高官同富豪都会帮衬啰 ，唔知同墙上多张奖状有否关连呢？！我地张十二人枱就喺店中央，大家入座后都动弹不得，就连楼面伙计想服务周到啲，埋去更换餐具都过唔到，真系好迫。会长已经黎过几次，同女店长都好熟落，更一早写下菜单，当中多款菜肴必先预订，才能享用；好奇怪，餐牌上并无列出价钱，难道系海鲜价 ？！ 咖哩角：当晚周围都塞车，好多人都迟到，包括肥肥家族在内，早到o既成员就叫咗几款小食，一路食住等，咖哩角系最后上o既一味。三角形o既咖哩角呈金黄色，光泽得黎毫不油腻，皮层脆薄，馅料一啲都唔溜滞。 醉酒鹅肝：醉酒鹅肝质感幼滑软嫩，淡薄o既酒味甘醇，净食已觉超级美味。法式香煎鹅肝同潮式卤水鹅肝都系小肥喜爱食品，原来「老巴刹」冻食o既醉酒