影片
更多
2021-05-12
294 浏览
近排成日叫外卖，有时想同女朋友食好啲唔好成日食茶记，就叫咗呢间餐厅。落单后唔算等好耐，行个圈睇下嘢好快有得攞。 叫咗吉列猪扒、猪柳、大虾定食（二人前）$518外卖自取85折，即系只需 $440.3就有两个餐。 饭盒入面已经有白饭、椰菜丝、渍物、西瓜粒同主菜。 另外有蚬肉面豉汤，点大虾嘅他他酱，点沙律嘅西柚汁同紫菜酸汁，点猪扒嘅芥末酱、芝麻同猪扒汁。 饭嘅份量好够，软熟唔会好硬，女朋友食唔晒。但系椰菜丝可以再多啲，配埋酸汁好快食晒。西瓜够甜，食完主菜可以食少少解腻。 到主菜喇。吉列猪扒大大嚿成块上，有少少肥肉令整块猪扒唔会太干身，不过如果叫我推荐，一定会叫你食猪柳。 二人前得两嚿猪柳同两只大虾。猪柳一咬落去就觉得好软绵，淋得黎唔会好似落咗松肉粉咁。本身无腌过，所以主要靠猪扒汁或者芥末酱调味。至于大虾 ，大大只好鲜味，一人一只唔够喉。下次可以净系叫猪柳同大虾。
叫咗吉列猪扒、猪柳、大虾定食（二人前）$518
外卖自取85折，即系只需 $440.3就有两个餐。
饭盒入面已经有白饭、椰菜丝、渍物、西瓜粒同主菜。 另外有蚬肉面豉汤，点大虾嘅他他酱，点沙律嘅西柚汁同紫菜酸汁，点猪扒嘅芥末酱、芝麻同猪扒汁。
饭嘅份量好够，软熟唔会好硬，女朋友食唔晒。但系椰菜丝可以再多啲，配埋酸汁好快食晒。西瓜够甜，食完主菜可以食少少解腻。
到主菜喇。吉列猪扒大大嚿成块上，有少少肥肉令整块猪扒唔会太干身，不过如果叫我推荐，一定会叫你食猪柳。
二人前得两嚿猪柳同两只大虾。猪柳一咬落去就觉得好软绵，淋得黎唔会好似落咗松肉粉咁。本身无腌过，所以主要靠猪扒汁或者芥末酱调味。至于大虾 ，大大只好鲜味，一人一只唔够喉。下次可以净系叫猪柳同大虾。
张贴
